An d’Chamber gewielt

Home - Blog - An d’Chamber gewielt

An d’Chamber gewielt

De 14.Oktober sinn ech bei de Nationalwahlen an d’Chamber gewielt ginn. Wat eng immens grouss Freed an Iwwerraschung ass, ass zugläich eng immens Verantwortung an eng ganz nei Aufgab, an déi ech mech elo aschaffe wëll. Ech spieren immens vill Vertrauen. Ganz besonnesch huet mech mäi Bopa beandrockt: well eppes mat der Bréifwahl schif gaange war, ass hie mat sengen 100 Joer op Wahlsonndeg mam Rollator a seng Gemeng getrëppelt an huet do gewielt.

Ech freeë mech drop a brénge meng Erfarunge mat. Ech wäert versichen, deenen eng Stëmm ze ginn, déi oft keng hunn. An et ass mer besonnesch wichteg, un eis Jonk ze denken, Nohaltegkeet konsequent seriö ze huelen a mengen 3 Grondwäerter trei ze bleiwen: der absoluter Würd vun all Persoun, der Solidaritéit vun der Gesellschaft an dem Schutz vun eiser Ëmwelt a Matwelt.

Wat d’Politik am grousse Ganze mer bedeit, hunn ech versicht, hei ze beschreiwen.

Deelen: